Кездесу

02.03.2020 Абзал жанмен кездесу Қазақстан Республикасы халықтарының алғыс айту күніне орай және елбасының «Рухани жаңғыру» мақаласы аясында №1 Егіндікөл орта мектебінде ауданымызға белгілі, белсенді қоғам қайраткері, қырық жылдан астам уақыт адам жанының арашасы болып, дәрігерлік өмірінде 2500 ден астам операция жасап, ел ықыласына бөленген ақ халатты абзал жан, оташы дәрігер, әуесқой ақын Тасқынбаев Темірболат Тасқынбайұлымен кездесу кеші болып өтті. Кешке мектептің 5-6 сынып оқушылары және ресурстық орталықтың кезекті сесциясына келіп, мектебімізде білім алып жатқан ауыл мектептерінің оқушылары қатысты. Олар кеш қонағының әр түрлі тақырыпта жазған өлеңдерін оқып, қонаққа қызықты сұрақтарын қойып екі тарап етене әңгімелесті. Кеш қонғынан қонақ кәде сұрап, мектеп әкімшілігі тарапынан қонаққа естелік сыйлықтар табыс етілді. Кездесу кеші риясыз көңіл-күйлі әңгіме түрінде тартымды да татымды болып өтті.