Мақала

23.10.2019 Ауылдағы шағын жинақ мектептерінің оқушылары аудан мектептерінен білім алуда Қазіргі еліміздегі болып жатқан қарқынды өзгерістер мен білім саласында белең алған жаңартылған білім беру жүйесімен оқыту жалпы ел болашағы үшін басты өзекті мәселе болып тұрғаны баршаға аян. Қазақстан Республикасының президенті Қ.К. Тоқаев биылғы жылғы Қазақстан халқына жолдауында ауыл мектептерін қала мектептерінің деңгейіне көтеру керек деді. Осыған орай биылғы жылы №1Егіндікөл орта мектебінде Егіндікөл ауданы әкімінің 2019 жылғы 24 шілдедегі № а-7/131қаулысы негізінде ресурстық орталық құрылып, аталмыш мектеп базасында қазан айының 14 – 19 аралығында ауылдардағы шағын жинақ мектептердің 8 сынып оқушыларымен бірінші оқу сессиясы өткізілді. Оқу сессиясына Көркем негізгі мектебінен 4 оқушы, Ушаков және Алакөл орта мектептерінен үш үштен жалпы саны он оқушы мектеп жанындағы интернат жатақханасына орналасып, апта бойы мектеп оқушыларымен бірге білім алды. Оқу барысында оқушылар өздеріне арнайы ұйымдастырылған ашық сабақтар мен әр түрлі іс - шараларға белсене қатысып, өз білімділіктерін көрсете білді. Атап айтсақ «Өмірлік құндылықтар» атты қазақ тілінен, «Ход белой королевы» тақырыбында орыс тілінен, «Абылайханның ішкі және сыртқы саясаты» атты тарих пәнінен, «Дәрумендер - олардың сипаттамасы және жіктеу» атты биология пәнінен ашқ сабақтар, Рухани жаңғыру аясында кітапханалық сабақ, «Лепбук» - дидактикалық материалдар жиынтығы шығармашылық сабақ және зияткерлік ойындар мен валейбол, тоғызқұмалақ сияқты спорт түрлерінен жарыстар ұйымдастырылды. Сессияға қатысушы ауыл мектебінің оқушылары жалпы мектептегі өтіп жатқан «Мектеп президентін сайлау», «Алтын күз» сияқты іс-шараларға да белсене атсалыса білді. Сессияны қортындылау үшін мектеп әкімшілігі тарапынан жабылу салтанаты ұйымдастырылып, апта бойы өткен іс - шараларға белсене атсалысқан оқушыларды марапаттау рәсімін жасады. Оқушыларға оқуда жаңа табыстар мен жетістіктер тілеп, ыстық ықыласпен шығарып салды. Аманкелді Райханұлы мектеп директорының тәрбие ісі жөніндегі орынбасары